അബുദാബി: ഇന്റര്‍പോള്‍ തേടുന്ന കുവൈറ്റ് നേഴ്സിംഗ് റിക്രൂട്ട്മെന്റ് തട്ടിപ്പ് കേസിലെ പ്രതി ഉതുപ്പ് വര്ഗീസ് പിടിയിലായി. അബുദാബിയിലെ ഒരു ഹോട്ടലില്‍ നിന്നാണ് ഇന്റര്‍പോള്‍ ഉദ്യോഗസ്ഥര്‍ ഇയാളെ പിടികൂടിയത്. കുവൈറ്റിലേക്ക് 1200 നേഴ്സുമാരെ റിക്രൂട്ട് ചെയ്തതിലൂടെ 230 കോടി രൂപയുടെ തട്ടിപ്പ് നടത്തിയെന്നതാണ് കൊച്ചി അല്‍ സറഫ ഉടമ ഉതുപ്പ്ര്‍ വര്‍ഗീസിനെതിരെയുള്ള കേസ്. തട്ടിപ്പിന് സഹായികളായി നിരവധി ഏജന്റുമാരും ഇയാള്‍ക്ക് വേണ്ടി പ്രവര്‍ത്തിച്ചിരുന്നു.
കുവൈത്തില്‍ നഴ്‌സിംഗ് റിക്രൂട്ട്മെന്റ് കരാര്‍ ലഭിച്ച അല്‍ സറഫ ഏജന്‍സിക്ക് ഓരോ ഉദ്യോഗാര്‍ത്ഥിയില്‍ നിന്നും 19,500 രൂപ മാത്രമാണ് ഫീസ് ഈടാക്കാന്‍ അധികാരമുണ്ടായിരുന്നത്. എന്നാല്‍ ഓരോ ഉദ്യോഗാര്‍ത്ഥികളില്‍ നിന്നും 19,5 ലക്ഷം രൂപ വാങ്ങിയെന്ന് സി.ബി.ഐ കണ്ടെത്തിയിരുന്നു.
ഇതിനിടെ ഉതുപ്പ് വര്ഗീസ് സുപ്രീംകോടതിയില്‍ മുന്‍കൂര്‍ ജാമ്യാപേക്ഷ നല്‍കിയെങ്കിലും അപേക്ഷ കോടതി തള്ളിയിരുന്നു. അന്വേഷണവുമായി സഹകരിക്കാമെന്നും ഇന്ത്യയിലേക്ക് തിരികെ എത്താന്‍ അനുവദിക്കണമെന്നും ഹര്‍ജിയില്‍ പറഞ്ഞിരുന്നു. സിബിഐയുടെ ആവശ്യപ്രകാരം അന്താരാഷ്ട്ര അന്വേഷണ ഏജന്‍സിയായ ഇന്റര്‍പോള്‍ ഉതുപ്പ് വര്‍ഗീസിനെ പിടികിട്ടാപ്പുള്ളിയിയായി പ്രഖ്യാപിച്ച് ലുക്ക് ഔട്ട് നോട്ടീസ് പുറത്തിറക്കിയിരുന്നു. ഇതിനു പിറകെയാണ് സുപ്രീം കോടതിയില്‍ ഇയാള്‍ ജാമ്യാപേക്ഷ സമര്‍പ്പിച്ചത്.
More on the scam
No comments:
Post a Comment