Friday, January 15, 2016
മാണിക്കനുകൂലമായി റിപ്പോര്‍ട്ട്‌ തയാറാക്കിയത്‌ എസ്‌.പി. സുകേശനെ മാനസികമായി തകര്‍ത്ത്‌: പി.സി. ജോര്‍ജ്‌
കോട്ടയം: ബാര്‍ കോഴക്കേസില്‍ അന്വേഷണം നടത്തിയ വിജിലന്‍സ്‌ എസ്‌.പി. സുകേശന്‍ മാന്യനായ ഉദ്യോഗസ്‌ഥനായിരുന്നുവെന്നും അദ്ദേഹത്തെ മാനസികമായും ശാരീരികമായും തകര്‍ത്താണ്‌ ഉമ്മന്‍ ചാണ്ടിയും കൂട്ടരും പുതിയ റിപ്പോര്‍ട്ട്‌ ഉണ്ടാക്കിയെടുത്തതെന്നും കേരളാ കോണ്‍ഗ്രസ്‌ സെക്യുലര്‍ ലീഡര്‍ പി.സി. ജോര്‍ജ്‌. അരുവിക്കര തെരഞ്ഞെടുപ്പിന്റെ സമയത്തു സുകേശന്റെ ഭാര്യയ്‌ക്കു കരുനാഗപ്പള്ളിയില്‍നിന്ന്‌ അരുവിക്കരയിലേക്കു ട്രാന്‍സ്‌ഫര്‍ നല്‍കിയതിന്റെ രഹസ്യം അന്വേഷിക്കണമെന്നും അദ്ദേഹം പറഞ്ഞു.
മാണിയെ വെള്ളപൂശുന്ന പുതിയ റിപ്പോര്‍ട്ട്‌ കോടതിയിലെത്തുമ്പോള്‍ എന്തു സംഭവിക്കുമെന്നു കാത്തിരുന്നു കാണണം.
പണം വാങ്ങിയതിനു തെളിവുണ്ടെന്നു കോടതിതന്നെ പറഞ്ഞിരുന്നു. കൂടുതല്‍ തെളിവുകള്‍ ശേഖരിക്കാനാണു കോടതി തുടരന്വേഷണത്തിനു നിര്‍ദ്ദേശം നല്‍കിയത്‌. എന്നാല്‍ സര്‍ക്കാരിന്റെ സ്വാധീനത്തിനു വഴങ്ങി മാണിയെ വെള്ള പൂശുന്ന റിപ്പോര്‍ട്ട്‌ വരുന്നത്‌ നീതിന്യായ വ്യവസ്‌ഥയെ അവഹേളിക്കുന്നതിനു തുല്യമാണ്‌. ഉമ്മന്‍ചാണ്ടി മുഖ്യമന്ത്രിയായിരിക്കുമ്പോള്‍ യു.ഡി.എഫുകാര്‍ക്കെതിരേയുള്ള ഒരു കേസും തെളിയില്ലെന്നും ജോര്‍ജ്‌ പറഞ്ഞു.
Subscribe to:
Post Comments (Atom)
No comments:
Post a Comment